Jahan Roza E Pak E Khairul Wara Hai

Wo Jannat Nahi Hai To Phir Aur Kya Hai

Kahaan Mai Kahaan Yeh Madine Ke Galiyaan

Yeh Qisamt Nahi Hai To Phir Aur Kya Hai

Muhammed (ﷺ) Ki Azmath Ko Kya Poochte Ho

Ke Wo Sahibe Qaba Qausain Tehre

Bashar Ki Sare Arsh Mehmaan Nawazi

Yeh Azmath Nahi Hai To Phir Aur Kya Hai

Jo Aasi Ko Kamli Me Apne Chupa Le

Jo Dushman Ko Bhi Zakhm Khakar Dua De

Use Aur Kya Naam Dega Zamana

Wo Rehmat Nahi Hai To Phir Aur Kya Hai

Shafa’at Qiyaamat Ki Taabe Nahin Hai

Yeh Chasma To Roze Azal Se Jaari Hai

Khataakaar Bandon Pe Lutfo Musalsal

Shafa’at Nahin Hai To Phir Aur Kya Hai

Qayamat Ka Ek Din Muaiyan Hai Lekin

Hamare Liye Har Nafas Hai Qayamat

Madine Se Hum Jaan Nisaraun Ki Doori

Qayamat Nahi Hai To Phir Aur Kya Hai

Tum Iqbal Yeh Naat Kehto Rahe Ho

Magar Yeh Bhi Soncha Ke Kya Kar Rahe Ho

Kahaan Tum Kahaan Madhe Mamduhe Yazdaan

Ye Jurrat Nahi Hai To Phir Aur Kya Hai